ئەحمەدی نەژاد: ئیمام زه مان هه موو کاره کان کونترول ده کات
سەرۆک کۆماری وڵاتی ئێران، "مەحموود ئەحمەدی نەژاد" لە کۆۆبونەوی تایبەت لەگەڵ ڕۆحانییەکانی شاری مەشهەد، باسی لە ئارادابوونی دەستی ئیمام مەهدی کرد لە کار و باری ئێراندا.
هەروەها وتی:"ئیمامی زەمان خەریکە جیهان کونترۆڵ دەکات و ئێمەش خەریکە دەبینین کە دەستی هیدایەتی ئەو لە تەواوی کار و باری وڵاتەکەماندا بوونی هەیە."
هەروەها لە بارەی سەفەری خۆی کە ساڵی 2007 بۆ ولاتی ئەمریکا ئەنجامی دابوو و لە زانکۆی کۆلۆمبیا کەوتە بەر پرس و جۆی خویندکارانی ئەو زانکۆیە، وتی: " لە زانکۆی کۆلۆمبیاش ئیمامی زەمان ئاگادارم بوو، ئەوان دەیانویست من تووڕە بکەن و ئەو شوێنە بە جێ بهێڵم، بەڵام من پێکەنیم و قسەی خۆمم کرد و هەروەهاش کە بینیتان قسەکانی من پێنج میلیۆن بینەری بووە.
بە دوای وتەکانی ئەحمەدی نەژاددا ڕۆحانییەکان ناڕەزایەتی خۆیان بەرانبەر بە وتەکانی دەربڕیوە تا ڕادێک کە "غوڵامرەزا مسباحی مۆقەدەم" وتەبێژی کۆمەڵەی ڕۆحانییە خەباتگێرەکان وتی: " ئەگەر مەبەستی ئەحمەدی نژاد لە بوونی دەستی ئیمام مەهدی، گرانییە، و لایەنگری لە ئاکارەکانی دەوڵەت دەکات، ئەمە قەد وا نییە.
ئەو هەروەها بە رشۆژنامەی " اعتماد ملی" کە لە تاران چاپ دەبێت وتی: بە یەقینەوی ئیمام زەمان لەم هوموو گرانی و هەڵانەی کە بە سەر خەڵکدا روو دەدات نارەحەتە و ئەحمەدی نەژاد بەم وتانە دەبێتە هۆی نەمانی باوەڕ گەنجان بە ئایین و بڕواکانیان سست دەبێت.

گرووپێکی ئیسلامی که‌ خۆیان وه‌ک به‌ڕێوه‌به‌ران و نوێنه‌رانی ئیسلام و که‌سانێک که‌ فه‌رمانی جیهاد له‌ دژی کوفر به‌ ئه‌نجام ده‌گه‌یه‌نن ناساندووه‌، سه‌ری لاوێکی ئه‌و شاره‌یان بڕیوه‌ ...به‌م پێیه‌ لاوێک به‌ ناوی " شۆڕش سه‌لیمی فه‌ڕ " له‌ لایه‌ن ئه‌و گرووپه‌ ئیسلامییه‌ ڕادیکاڵه‌ به‌ تۆمه‌تی ئه‌وه‌ی که‌ گۆیا له‌ دژی ئیسلام بووه‌ و کوفری کردووه‌، به‌ ده‌ستی یه‌کێک له‌ ئه‌ندامانی ڕادیکاڵی ئه‌و ڕێکخراوه‌یه‌ به‌ ناوی " ئه‌رسه‌ڵان ڕه‌زایی " له‌ ناوچه‌ی " ساڵح ئاوا " ی شاری سه‌قز سه‌ری بڕدراوه‌ و له‌ له‌شی جیا کراوه‌ته‌وه